Uashington – Një grua raportohet të jetë plagosur me armë zjarri ndërsa situata në Kapitol mbetet kaotike.
Nuk dihet nëse bëhet fjalë për një protestuese, por burimet sqarojnë se gjendja e saj është kritike pasi u qëllua në gjoks.
Burimet për CNN nuk mund të japin detaje të mëtejshme mbi rrethanat e të shtënave.
Qindra protestues kanë hyrë në Kapitol, ku ligjvënësit ishin mbledhur në seancë për të çertifikuar votat elektorale të zgjedhjeve të 3 nëntorit në SHBA.
Gjendja në Kapitol vijon të jetë e tensionuar. Ligjvënësit kanë ndërprerë seancat të cilat janë zgjatur për shkak të kundërshtimeve të disa republikanëve.
“Ne duam Trump” dëgjohen thirrjet e protestuesve.
Sipas CNN, Nënpresidenti Mike Pence është shoqëruar për në një vend të sigurt brenda Kapitolit, ndërsa më pas është evakuuar që aty.
