Ish-ministri dhe deputeti i LSI, Nasip Naço ka zgjedhur ti bashkohet PS-së. Ai është shfaqur ditën e sotme në krah të ministrit socialist Blendi Klosi, në Berat.
Dikur, një nga njerëzit kyç në Lëvizjen Socialiste për Integrim (sidomos në Qarkun e Beratit), kur kjo forcë politike ishte në qeverisje, sot Naço ka vendosur ta braktisë dhe ti bashkohet partisë në pushtet.
Një nga më të bindurit e ish-kryetarit të LSI-së Ilir Meta, sot Nasip Naço duket se ka shpresë të marrë një mandat nën logon e PS-së, duke u renditur i pesti në listën e PS, si kandiat për deputet në Qarkun e Beratit.
Kjo lihet të kuptohet nga deklarata e Klosit, i cili shprehu sigurinë se në Berat, PS do të marrë 5 mandate, në zgjedhjet e 25 Prillit.
“…Me afrimin e kolegëve të shquar si Nasip Nacco, ne do të arrijmë objektivin tonë për pesë mandate në Berat…”, tha Klosi në një prononcim për gazetarët.
Në këtë mënyrë – duke kandiduar ish-vasalin e Ilir Metës, duket se Partsia Socialiste po kërkon të maksimizojë votat në Qarkun Berat, me synimin për të marrë pesë mandate.
