Përparim Ademi, 50-vjeçari i cili ka vrarë dy motra më 31 dhjetor 2020 në zonën e Astirit, raportohet se ka tentuar vetëvrasjen në burg.
Ademi, në momentin që ka tentuar të kryejë vetëvrasjen, është dërguar menjëherë në spitalin e burgut. Tashmë ai është shoqëruar për në ambinetet e qelisë, aty ku qëndron pas arrestimit.
Ngjarja e rëndë tronditi Shqipërinë më 31 dhjetor 2020. Përparim Ademi vrau me armë zjarri dy motrat, Kristina Bardhi dhe Zhaneta Metani në banesën e tyre në Astir, në sytë e Anxhelos, djalit 14-vjeçar të Zhanetës.
Familjarët e viktimave treguan se Zhaneta dhe Krishtina kanë bërë fëmijë me Përparimin dhe janë detyruar nga autori ti shisnin në Selanik.
