Aktorja Jessie Cave, ylli i “Harry Poter”, ka treguar në Instagram se djali i saj 3 muajsh është pozitiv me Covid-19 dhe është shtruar në spital.
Aktorja 33-vjeçare ndau me ndjekësit të martën në mëngjes një foto të djalit të saj në një shtrat spitali.
“Unë pashë lajmet për bllokimin nga një dhomë e izoluar në spital, shkruan Syri.net. Foshnja ime është pozitive. Ai është në rregull dhe po bëhet mirë, por ata janë vigjilentë dhe të kujdesshëm, fatmirësisht.
Ky lloj virusi është shumë i fuqishëm dhe ngjitës, kështu që unë shpresoj që njerëzit të kenë kujdes më të madh në javët e ardhshme.
Me të vërtetë nuk doja që ky të ishte fillimi i vitit të ri për familjen time. Me të vërtetë nuk doja të kthehesha në një spital kaq shpejt pas lindjes së tij traumatike.”- shkruan aktorja.
