Një nënë e re dhe foshnja e saj kanë humbur jetën në Tenessee të Shteteve të Bashkuara. Ngjarja ka ndodhur një ditë më parë, teksa thuhet se nëna u hodh nga një mbikalim bashkë me fëmijën në krahë.
Të dyja u gjetën pa shenja jete mbi asfaltin e autostradës.
Pak para ngjarjes autoritetet kishin marrë një telefonatë për një grua që po tentonte të hynte apo të godiste me makinë në një pikë karburanti, në daljen Exit 93 të autostrdës I-40.
Telefonuesit thanë se më pas gruaja doli nga makina me beben e vogël në krahë dhe nisi të ecte drejt mbikalimit.
Por kur policia shkoi në vendin e ngjarjes, gjeti pa jetë trupin e 26-vjeçares Tonisha Barker, dhe të foshnjës.
