Pasditen e djeshme ishin të ftuar në “Ftesë në 5” aktorët Drilon Hoxha, Cekja dhe Bujar Asqeriu. Ata ishin të ftuar për promovimin e filmit që pritet të dalë në kinema sapo ato të hapen pas gjendjes së pandemisë, “Shkëmbimi”.
Aktorët treguan momentet më të sikletshme gjatë filmit. Dhe një prej tyre ishte ajo që i ndodhi aktorit të mirënjohur Bujar Asqeriu.
“E fortë ishte ajo me Bujarin,” fillon të tregojë regjisori i filmit Drilon Hoxha, “do luante një skenë në varreza dhe i them unë hajde se është bërë gati kostumi. Ai më pyet se ku do ta vesh, dhe unë i them do ta veshim këtu te varrezat. Ndërsa Bujari më thotë: Po jo ore, se do të më shohin me mbathje në varreza dhe duke veshur kostumin do kujtojnë se u ngrita nga varri”.
