Këngëtarja e njohur Rovena Stefa, ishte e ftuara speciale mbrëmë në emisionin “Why Not” në RTV Ora ku ka rrëfyer detaje nga jeta e saj private. Gjithashtu gjatë bisedës me moderatoren Roza Lati, ajo tregoi dhe situatat e tmerrit që ka kaluar gjatë koncerteve të saj ku nuk kanë munguar as armët.
“Fansat janë të gjithë të mirë, por vetë nga fjala ‘Fans’ është fanatik, një person që të përndjek. Ne në pjesën tonë në shqiptari, fansat janë shumë të mirë e shumta që bëjnë kur vijnë është një foto, dikush puth me dorë. Fansat që të përndjekin janë të rrallë, ashtu si janë në botën e huaj që shohim që ka fansa të çmendur, por më ka ndodhur dhe mua një lloj fansi i tillë.
Kishim një koncert në Suedi, dhe ai fansi e kishte origjinën nga Gjirokastra. Ishim në një koncert të madh me 2000-2500 të pranishëm. Në momentin që unë po këndoja ai erdhi aty dhe po qëndronte dhe thashë ok nuk ka problem si të gjithë që qëndrojnë në pjesën para skenës.
Më pas, kur unë shkova mbrapa skenës ku kishim vendin që qëndronim bashkë me këngëtarët e tjerë dhe sigurimin dhe vjen aty me një buzeqëshje. Mu drejtua duke më thënë ‘Çkemi? Kur e mbaron se po të pres?’ dhe unë duke u treguar e sjellshme i them që pasi mbaroj këtu unë largohem menjëherë pasi kam avionin.
Më pa dhe më thotë ‘Jo,jo ti nuk do ikësh’ edhe bërtiti dhe më kapi te dora. Në moment nuk dija si të reagoja dhe menjëherë sigurimi u afrua pasi ishin të gjithë suedezë dhe nuk po e kuptonin çfarë po ndodhte. E kapën në moment dhe e shtynë, ky u largua. Por, më pas u rikthye dhe kësaj radhe ishte me armë.
Nxori armën dhe filloi po bërtiste dhe po shante. Jashtë po dëgjoja të bërtitura, kërcitje gomash, gotash, ai i shkreti hëngri një dru të mirë nga sigurimi dhe më pas përfundoi në rajonin e policisë“, tregoi Rovena.
