Edhe pse nuk ka një datë fikse për ardhjen e vaksinës në Shqipëri, kryeministri Edi Rama ka inspektuar sot ambientet e reja të stadiumit Kombëtar, ambientet e të cilit do të shërbejnë si Qendra e Parë e vaksinimit ndaj COVID-19 në vendin tonë.
Sipas Ramës, synohet që vaksinimi të fillohet para javës së tretë të muajit janar. Ministrja Ogerta Manastirliu e shoqëroi kryeministrin në ambjentet ku do të kryhet vaksinimi ku edhe i shpjegoi të gjitha procedurat që do të ndiqen.
Ky është edhe afati i kontratës me kompaninë Pfizer. Rama tha më herët se ka siguruar mbi 500 mijë vaksina.
“Së shpejti nisim vaksinimin e bluzave të bardha, që synojmë ta fillojmë më parë se sa afati kontraktual me Pfizer për javën e tretë të janarit, përmes punës intensive diplomatike në shumë drejtime”, tha Rama teksa bëri publike edhe një video, gjatë inspektimit të ambienteve që do të shërbejnë për vaksinimin masiv të popullatës në “Arena Kombëtare”.
