Yael Shelbia është izraelitja e cila është shpallur fytyra më e bukur e vitit 2020, në listën vjetore të TC Candler ‘100 fytyrat më të bukura të vitit’.
19-vjeçarja është modele, aktore, dhe aktualisht po kryen shërbimin e detyrueshëm ushtarak në forcat ajrore izraelite.
Mediat e huaja shkruajnë se ajo është e lidhur me 35-vjeçarin Brandon Korff, nipi i miliarderit të ndjerë të CBC. Ai u dëbua nga Izraeli pasi nuk zbatoi rregullat e karantinës dhe shkoi të vizitonte fshehurazi Shelbian.
Ndërkohë në intervistë për mediat izraelite Yael thotë se kurrë nuk ka marrë vendin e parë në diçka dhe kjo e bën të ndihet mirë.
Nga ana tjetër, disa nga kriteret për të qenë në listë janë: Përsosmëria estetike, hiri, eleganca, origjinaliteti, guximi, pasioni, klasi, tipare që sipas profesionistëve mishërohen në pamjen e fytyrës.
