Një shtetas sirian ka mbetur i plagosur me thikë në Durrës, pasditen e sotme.
Policia njoftoi se në orën 17:30, në lagjen nr.4, dyshohet se pas një konflikti të çastit ka mbetur i lënduar me thikë shtetasi sirian A. M., rreth 23 vjeç, i cili ndodhet në spital nën kujdesin e mjekëve, jashtë rrezikut për jetën.
Shërbimet e Policisë kanë bërë të mundur identifikimin e autorit dhe shoqërimin e tij në ambientet e Policisë për veprime të mëtejshme, shtuan të njëjtat burime.
