Eni Koçi dhe partneri i saj, Genc Prelvukaj kaluan koronavirusin 5 muaj më parë. Këngëtarja ka rrëfyer së fundmi se e kaloi pa probleme serioze, megjithatë nuk i është rikthyer ende shija dhe nuhatja.
“Nëse ndonjëri prej jush e ka kaluar covid-in, ju lutem më tregoni a ju është kthyer shija dhe nuhatja. Kam pesë muaj që pres të më kthehet dhe asgjë. E vetmja gjë që ndjej është një shije tmerrësisht e keqe e ndonjë ushqimi”, ka treguar këngëtarja për ndjekësit e saj në Instagram.
Më pas edhe këta të fundit kanë rrëfyer përvojat e tyre dhe në shumicën e rasteve u është dashur me muaj të tërë për t’ju rikthyer shija dhe nuhatja.
