Përditësuar/ Një person ka mbetur i plagosur nga aksidenti i ndodhur këtë të Diel në aksin Lezhë –Mamurras.
Policia njoftoi se në afërsi të Laçit, mjeti me drejtues shtetasin E.L., 37 vjeç, ka humbur kontrollin duke dalë nga rruga dhe është përplasur me trafikndarësen e për pasojë ka marrë flakë.
“Nuk ka probleme për drejtuesin e mjetit shtetasin E.L., ndërsa shtetasi L.C.,i cili ishte pasagjer në këtë mjet ka marrë dëmtime të lehta dhe ndodhet në spitalin Rajonal Lezhë, nën kujdesin e mjekëve. Grupi hetimor në vendngjarje punon për sqarimin e plotë të shkakut dhe rrethanave të ngjarjes”, shtuan të njëjtat burime.
***
Aksident në Milot-Mamurras/ Makina përplaset me trafindarësen dhe më pas përfshihet nga flakët
Një makinë është përfshirë nga flakët pasditen e sotme në autostradën Milot-Mamurras.
Raportohet se automjeti është përplasur me trafikndarësen dhe më pas është përfshirë nga flakët rreth 2 km larg mbikalimit të Laçit.
Zjarrëfikësja ka mbërritur menjëherë në vendngjarje dhe ka bërë të mundur shuarjen e flakëve.
Nga ky aksident ka dëme materiale teksa dyshohet për të lënduar.
