Të tjera detaje janë zbardhur lidhur me krimin që tronditi Tiranën më 31 dhjetor, ku Përparim Ademi, vrau me breshëri automatike, dy motrat, Kristina Bardhi dhe Zhaneta Metani. Krimi ndodhi në sy të fëmijës 14-vjeçar të Zhanetës, i cili më pas njoftoi policinë
Sot gjykata e Tiranës, vendosi masën e sigurisë arrest me burg për Përparim Ademin, shqiptar i Maqedonisë së Veriut, i cili ka mbajtur më parë edhe mbiemrin Tela.
Ademi ështv i martuar në Maqedoni, ndërsa në Tiranë kishte krijuar lidhje intime me Zhanetën, e cila ishte e divorcuar.
Por nga deklarimet e dhëna para policisë dhe gjykatës, Ademi ka zbardhur edhe një detaj. Ai ka pohuar se ka qenë i lidhur që para 20 vitesh me Kristinën.
Më pas është lidhur me motren tjetër Zhanetën. Ai pretendon se ka fëmije me të, por nuk ka regjistruar në gjendje civile.
Ademi ka martese ligjore me një grua tjetër, e cila ka pranuar se i dinte lidhjet e të shoqit, madje kishte krijuar miqësi me dy motrat që të mos prishte familjen.
Perparimi ka thënë para gjykatës që krimi ndodhi per arsye xhelozie sepse kishte dyshime se Zhaneta kishte nje marrëdhenie me dikë tjetër.
Nga dinamika e ngjarjes, Ademi ka shkuar në banesën e dy motrave, të cilat kur e kanë parë kanë tentuar të mbyllin derën, por ai ka qëlluar me breshëri në drejtim të tyre.
Në vendin e ngjarjes janë gjetur 26 gëzhoja plumbash, ndërsa vetëm 5 prej tyre kanë qëlluar motrat Bardhi e Metani.
Pasi ka kryer krimin, 59-vjeçari ka qëlluar nëpër muret e banesës, më pas ka lënë armën tip automatik kinez dhe është larguar nga vendi i ngjarjes.
Automatiku është gjetur me karikator bosh, të cilin e ka zbrazur në trupat e viktimave dhe në banesën e tyre. Përparim Ademi akuzohet për veprën penale “vrasje për shkak të marrëdhënieve familjare”.
