Gjykata e Tiranës ka lënë në burg Denis Trungun. Ky i fundit u arrestua për mashtrim kompjuterik dhe dyshohet se ka përfituar mbi 15.5 milionë lekë të reja nga banka të nivelit të dytë, gjatë periudhës së pandemisë, ku u hapën dhjetra llogari për marrjen e pagës së luftës.
Gjatë seancës, Trungu nuk ka pranuar se ka kryer mashtrim kompjutërik, por ka thënë se ka kryer disa veprime të ligjshme, që janë aprovuar nga banka. Ndërkohë prokuroria e Tiranës pretendoi se Trungu ka përfituar nga një dobësi e sistemit dixhital E-Banking dhe ka kryer transferta.
Sipas të dhënave, Trungu ka kryer 36 transferta në llogari dhe banka të tjera, si dhe ka paguar shërbime që kapnin një vlerë goxha të madhe. Ai ka pasur dhe më herët precedentë penalë në fushën e mashtrimit.
