Jasir Asani është ndër futbollistët më të përfolur në Superiore, jo vetëm për talentin e tij, por edhe për “bëmat” jashtë fushës së blertë.
Mëngjërashi duket se ka rigjetur formën me trajnerin Ilir Daja, megjithatë është ende larg performancës së dhuruar dy vite më parë kur të kuqtë fituan edhe titullin kampion.
25-vjeçari u rikthye te Partizani pas një aventurë të shkurtër si i huazuar te AIK Stokholm në Suedi. Atje nuk arriti të kishte hapësira në dispozicion dhe në fund u vendos që të mos paguhej për kartonin e tij.
Pikërisht aventura suedeze i ka ulur vlerën 25-vjeçarit. Sipas “Transfermarkt” në janar të 2020-tës, Asani vlente 400 mijë euro, ndërsa tanimë kartoni i tij kushton vetëm 250 mijë euro.
