Kryeministri Giuseppe Conte në një fjalë përmbyllëse për punën e tij është shprehur se vaksina anti Covid ndikimin do ta tregojë në pranverë.
Ndërkohë kujtojmë që Italia është një ndër vendet më të goditur nga pandemia ku deri më tani kanë humbur jetën mbi 73 mijë persona, duke bërë q ëtë renditet vendi i parë në Evropë dhe i 5 në botë përsa i përket humbjes së jetës.
Të dielën që lam pas italia ka nisur dhe vaksinimin e popullsisë dhe të parët në radhë janë profesionistët e shëndetit dhe të moshuarit, pasuar nga njerëzit me sëmundje kronike.
Do të jetë tashmë pranvera kur të shohim ndikimin e parë të rëndësishëm,” ka thënë Conte para gazetarëve.
Ai përjashtoi mundësinë që vaksinat të bëhen të detyrueshme pasi disa anëtarë të qeverisë thanë se mund të ishte një opsion nëse jo shumë njerëz vaksinohen vullnetarisht.
“Unë bëj thirrje për një përpjekje të përbashkët, le të lëmë mënjanë ideologjinë ose emocionet. Ne do të vaksinohemi”, tha Conte.
Ndërkohë 12.5 milionë vaksinat e para Pfizer duhet të mbërrijnë në Bashkimin Evropian deri më 1 janar dhe 200 milionë doza duhet të shpërndahen në 27 anëtarët e bllokut deri në shtator.
I pyetur pse Italia nuk ndoqi shembullin e Gjermanisë dhe nuk bleu më shumë vaksina vetë, Conte tha se ajo ishte e ndaluar sipas kushteve të një traktati të mbikëqyrur nga Komisioni Evropian.
