Këtu përfundon aventura e Diego Costa te Atletico Madrid. Klubi nga kryeqyteti spanjoll në fakt ka komunikuar përfundimin e kontratës, e cila do të përfundonte në 30 qershor 2021, me sulmuesin që këto ditë kishte kërkuar praktikisht të largohej për arsye familjare.
Ditët e fundit lojtari pati kontakte dhe takim me drejtuesit e klubit colchoneros për t’i bindur që ta lejonin të ikte, duke i dhënë fund aventurës më herët për arsye personale dhe sot divorci u bë zyrtar.
Costa ishte rikthyer te Atletico Madrid në sezonin 2017-2018 pas aventurës së tij te Chelsea për 3 sezone.
Transferimi i Suarez ka ndryshuar hierarkitë dhe për të mos qenë më i fundit, braziliani me nënshtetësi spanjolle ka zgjedhur të largohej.
Costa ka shënuar 10 gola në këto dy sezone e gjysmë në Madrid.
OFFICIAL: Atlético Madrid have reached a mutual agreement to terminate Diego Costa's contract with the club. pic.twitter.com/LBXlAxyFXO
— Squawka Live (@Squawka_Live) December 29, 2020
