Një përplasje fizike mes dy vajzave raportohet se është regjistruar ditën e djeshme në Tiranë. Sipas “Joq Albania”, vajzat e përfshira janë rreth moshës 16-vjeç dhe ato janë konfrontuar fizikisht për një djalë.
“Një nga vajzat dhunon tjetrën, ndërsa dy shoqet e saj e filmojnë. Vajza, e cila dhunohet kërkon vazhdimisht falje, por kjo nuk e ka penguar adoleshenten tjetër që të mos e godasë. Kujtojmë se ngjarje të tilla po shënohen shpesh në Shqipëri. Shumë herë kemi publikuar pamje të adoleshentëve që konfliktohen në ambientet e shkollave për motive të dobëta”, raporton portali.
