Përditësuar/ Një viktimë, të lënduar dhe ndërtesa të shembura në Petrinja të Kroacisë pas tërmetit me magnitudë 6.3 që goditi vendin këtë të Martë rreth orës 12:20 (shiko fotot në fund të lajmit).
Një fëmijë ka humbur jetën, konfimroi kryebashkiaku i Petrinja-s Darinko Dumbović. Mediat raportuan se bëhet fjalë për një vajzë 12 vjeçe. Në një deklaratë, ai tha se gjysma e qytetit është shkatërruar dhe kërkoi ndihmë nga autoritetet qëndrore.
Pamje nga qyteti Petrinja pas tërmetit
“Ne po nxjerrim njerëz nga makina, dëgjova që kopshti ishte shembur, por për fat të mirë nuk kishte fëmijë në kopsht”, Tha Dumbovic. “Ekziston një panik i përgjithshëm, njerëzit po kërkojnë familjarët,” shtoi ai.
Siç raportojnë mediat lokale, ekipet e emergjencës kanë zbritur në terren për tu ardhur në ndihmë të lënduarve dhe për të verifikuar nëse ka persona që kanë mbetur nën rrënoja.
Pamje nga Zagrebi, ku lëkundjet u ndjenë të forta
Ka ndërprerje të energjisë elektrike dhe sinjalit të telefonave në disa zona të vendit.
Policia u ka bërë apel banorëve të dalin nga ndërtesat.
Lexo edhe:
https://boldnews.al/2020/12/29/lajm-i-fundit-kroacia-goditet-nga-termeti-me-magnitide-6-3/
