Gjergj Simaku do të zëvendësojë Artan Shkrelin, në postin e zv. ministrit të Infrastrukturës dhe Energjisë. Lajmin e ka zyrtarizuar ministrja e Infrastrukturës dhe Energjisë Belinda Balluku.
“Kemi riformatuar ekipin drejtues të Ministrisë së Infrastrukturës edhe Energjisë. Ilir Bejtja që ka mbuluar deri më sot fushën e Energjisë, ka qenë dhe mbetet një nga profesorët me të cilët unë kam marrë leksione sa i përket energjisë në detaje shumë të vogla.
Ne kemi edhe këto replikat tona të mëdha. I është bashkuar para disa kohës një bashkëpunëtor i imi i vjetër, Etjen Xhafaj”, tha Balluku. Xhafaj ka bërë një lëvizje paralele, pasi më parë mbante postin e zv.ministrit të Jashtëm.
Ndërkohë, Balluku i uroi mirëseardhjen Gjergj Simakut. “Kemi punuar shumë bashkë gjatë këtyre dy viteve”, tha Balluku.
