Pas Mjaft, G99 dhe Rilindjes, Elisa Spiropali, ka marrë një tjetër teser anëtarësimi. Këtë rradhë ministrja e Ramës ëshhtë bërë veterane, edhe pse kur ka lindur ajo, lufta kishte 40 vjet që kishte përfunduar.
Gjithsesi 28 dhjetori do të jetë një ditë e shënuar për Elisën dhe Komitetin e Veteranëve, të cilëve iu shtua një shoqe në rradhët e tyre.
Spiropali ka marrë tesërën e antares më të re të Komitetit të Veteranëve të LANÇ.
“Kënaqësi ta pish kafen e mëngjesit me Komitetin e Veteranëve të LANÇ. Mirënjohje për kryetarin, Rustem Peçi, dhe Komitetin drejtues që më ftuan dhe më mirëpritën me një ngrohtësi të jashtëzakonshme.
Si pasardhëse luftëtari, stafetën e pranova me kënaqësi”, shkruan Spiropali në rrjet, por pa shpjeguar se cilët janë paraardhësit e saj që kanë luftuar.
Në fotografinë me këtë rast përveç Elisa Spiropalit shfaqet edhe ish-drejtori i përgjithshëm i Policisë Veli Myftari.
Tashmë duket se Elisa do të ecë në gjurmët e grave jo socialiste, por atyre të PPSH-së. Ka mundësi që të zgjedhë se kujt modeli mund t´i ngjajë, sikundër ka shanse që kur të udhëtojë ndodnjëherë me autobuzë të shpëtojë pa paguar biletën, si veterane që është.
