Këngëtarja e famshme me origjinë shqiptare, Rita Ora, ka pësuar sulme paniku nga frika se mund të diagnostikohej me kancer të gjirit.
30-vjeçarja ka treguar se ka shpenzuar vite duke u shqetësuar për kancerin, pasi nëna e saj, Vera Ora, është përballur me një situatë të tillë në 2005.
“Gjenetikisht nuk ka pasur histori të kancerit të gjirit në familjen time, por nëna ime megjithatë e kishte sëmundjen”, tha ajo, duke motivuar të tjerët që të kërkojnë për sa më shumë informacione rreth kancerit që mund t’ua shpëtojnë jetën.
“Skanimet në Britani kanë rënë për 80% që nga përhapja e COVID-it dhe një milion gra nuk kanë bërë kontrolle”, ka thënë ajo.
Rita ka sqaruar se si shqetësimet e saj kishin nxitur sulme paniku. Ajo tha se “është eksperiencë shumë e vështirë për t’u sqaruar”.
“Duke u rritur derisa isha më e re, nuk e dija çfarë ishte një sulm paniku. Mendoj se shumë adoleshentë nuk e dijnë çfarë është. Nuk mund të mbushesh frymë, ndjen se të ngushtohet gjoksi, humb vizionin”, ka shpjeguar Rita.
