Rasti i parë me variantin britanik të COVID-19 është regjistruar në Francë.
Mediat franceze raportojnë se rasti u zbulua të premten, dy ditë para nisjes së fushatës së vaksinimit në vend. Rasti u konfirmua tek një person i cili banon zakonisht në Mbretërinë e Bashkuar. Ai është është asimptomatik dhe është izoluar në shtëpinë e tij.
Burri kishte mbërritur nga Londra në 19 dhjetor dhe u testua dy ditë më vonë, ku rezultoi pozitiv për koronavirusin.
Sipas disa studimeve të paraqitura në Britani, varianti i ri i koronavirusit është më ngjitës se sa lloji origjinal COVID-19.
