George Blake, një ish-agjent i dyfishtë gjatë Luftës së Ftohtë, i cili shërbeu në “MI6” dhe ishte një spiun sovjetik, vdiq në moshën 98 vjeçare. Për nëntë vjet, ai i dha informacione Moskës që çoi në tradhti të të paktën 40 agjentëve të inteligjencës britanike në Evropën Lindore. Ai u burgos në Londër në 1960, por iku në Rusi ku u konsiderua hero.
Blake lindi në vitin 1922 në Roterdam, Hollandë.
Sipas BBC, babai i tij ishte një hebre spanjoll i cili kishte luftuar me ushtrinë britanike gjatë Luftës së Parë Botërore dhe kishte fituar shtetësinë britanike. Blake punoi në rezistencën Hollandeze gjatë Luftës së Dytë Botërore, dhe më pas u arratis në Gjibraltar, nën kontrollin britanik.
Më vonë iu kërkua të bashkohej me inteligjencën. Në një intervistë me BBC në 1990, Blake tha se ai vlerësoi se kishte tradhtuar mbi 500 agjentë perëndimorë.
Rënia e tij erdhi kur një agjent i inteligjencës polake, Michael Goleniewski, u largua në Perëndim, duke zbuluar detajet e një agjenti sovjetik në inteligjencën Britanike. Blake u thirr përsëri në Londër, u arrestua dhe u dënua në 1961 me 42 vjet burg.
Ai arriti të shpëtojë në 1966 dhe të largohet nga Britania e Madhe me një furgon. Pasi bëri rrugën për në Berlinin Lindor, ai kaloi pjesën tjetër të jetës së tij në Rusi.
