Të shtëna me armë zjarri drejt një lokali janë regjistruar mëngjesin e sotëm në Pllanë të Lezhës. Nga të shtënat nuk ka të lënduar, por janë shkaktur dëme materiale.
Burime zyrtare nga policia bënë me dije se në rrethana ende të paqarta është qëlluar me armë zjarri në drejtim të lokalit në pronësi të shtetasit Gjovalin Prendi.
Nga verifikimet paraprake të bëra nga shërbimet e Policisë, nuk ka persona të dëmtuar.
Në vendin e ngjarjes ndodhen shërbimet e Policisë dhe grupi hetimor për sqarimin e rrethanave të ngjarjes.
Janë ngritur pika kontrolli në aksin rrugor dhe vijon krehja e zonës nga shërbimet e Policisë të DVP Lezhë.
