Anxhela Peristeri është zgjedhur fituese e edicionit të ’59-të të Festivalit të Këngës në RTSH dhe do të përfaqësojë Shqipërinë në Eurovision 2021 me këngë “Karma”.
Këngëtarja mori pëlqimin e jurisë së Festivalit Kombëtar, duke grumbulluar 322 pikë nga votimi i 11 pjesëtarëve. Peristeri la pas Viktor Tahiraj me këngën “Nënë” me 266 pikë dhe Gjergj Kaçinarin “Më jep jetë” me 245 pikë.
Capital T ndau me ndjekësit një fotografi të Anxhelës në Instagram dhe krahas saj shkruan: “Urime Anxhela Peristeri, vazhdo dhe na përfaqëso mirë”.
