Të burgosurit shqiptarë në Greqi nuk e kanë harruar festën e Krishtlindjes, edhe pse ndodhen të mbyllur në qeli. Në mediat greke ka qarkulluar një video ku shihen të dënuarit shqiptarë që festojnë me alkool, valle e ritme muzikore të këngëtarit Notis Sfakianakis, i cili gjithashtu u vu në pranga pak javë më parë, pasi iu gjet një sasi kokaine dhe një armë zjarri.
“Ec aty babuç”, dëgjohet të thonë shqiptarët në sfond, teksa hedhin vallen e famshme greke “Zebeqiko”.
Disa prej tyre mbajnë celularë në duar dhe filmojnë njëri-tjetrin, sikur të mos ishin dënuar kurrë.
Publikimi i videos në rrjetet sociale ka detyruar autoritetet greke të nisin një hetim për mënyrën sesi janë futur celularët dhe pijet alkoolike brenda mureve të burgut. Autoritet kanë paralajmëruar hetim administrativ edhe ndaj gardianëve dhe shefit të sigurisë, të cilët akuzohen për shkelje të rregullores.
