Detaje të reja bëhen me dije lidhur me ngjarjen e ndodhur në Korçë mëngjesin e sotëm, ku janë shënuar të shtëna me armë zjarri.
Burime zyrtare nga policia bënë me dije se, rreth orës 10:15, në lagjen nr.17, shtetasi E.S., 19 vjeç, dyshohet se pas një konflikti të çastit me dy persona të tjerë, ka qëlluar me armë zjarri në ajër dhe më pas është larguar me shpejtësi.
Pas marrjes së informacionit, në vendngjarje kanë shkuar shërbimet e policisë.
Grupi hetimor po grumbullon prova që do t’i shërbejnë hetimit, po kqyr pamjet filmike dhe po punon për kapjen e autorit të dyshuar si dhe sqarimin e plotë të rrethanave të ngjarjes, thuhet më tej në njoftimin e policisë.
