Papa Françesku këmbënguli sot në mesazhin tradicional ditën e Krishtlindjeve mbi “nevojën për vëllazëri” në mbarë kontinentet në këtë periudhë pandemie.
“Në këtë moment historik, shënuar nga kriza ekologjike dhe nga çekuilibrimet e rënda ekonomike dhe sociale të rënduara nga pandemia e koronavirusit, ne kemi nevojë më shumë se kurrë për vëllazëri”, deklaroi papa Françesku.
Fytyrat e fëmijëve të Sirisë, Irakut apo Jemenit, të cilët po paguajnë një çmim të lartë për luftën duhet të tronditin ndërgjegjen e njerëzve”, theksoi papa Françesku në mesazhin e tij të Krishtlindjes.
Në pasqyrën e tij tradicionale të konflikteve të planetit, ndjekur nga bekimi “Urbi et Orbi” (për qytetin dhe për botën), Papa në veçanti shprehu shpresën që Krishtlindja të jetë e favorshme për zbutjen e tensioneve në në të gjithë Lindjen e Mesme dhe Mesdheun Lindor.
