Në momentin më të vështirë të viteve të fundit, Presidenti i Juventusit Andrea Agnelli u shkruan tifozëve bardhezi, duke u premtuar ringritjen e menjëhershme të skuadrës dhe mbi të gjitha titullin e dhjetë radhazi.
“Ne do të luftojmë deri në fund për kampionatin e dhjetë radhazi. Jemi të vetëdijshëm për forcën tonë, në këtë moment dramatik për industrinë në të cilën operojmë.
Po mbyllim një vit që askush nuk do ta kishte imagjinuar. Mendimi i parë është për të gjithë ju dhe të dashurit tuaj. Shpresoj që të gjithë të jeni mirë, edhe pse e di që nuk është kështu. Kemi humbur familjarë dhe miq dhe po sforcohemi në punë. Të gjithë ne. Le t’i hapim dyert vitit 2021 duke shpresuar për qetësi dhe lumturi, këtë herë me më pak retorikë se zakonisht”.
Aktualisht, Juventusi ndodhen në vendin e gjashtë, me 24 pikë, 10 më pak se Milani i vendit të parë, por me një ndeshje më pak, atë ndaj Napolit të cilin e riktheu për të luajtur vendimi i gjykatës.
