Gjeneral Piro Ahmetaj bën një krahasim mes klasës politike që sot qeveris vendin dhe asaj qe punuan për Pavarësinë e vendit. Shtysë, duket se ka marrë nga një vizitë në Vlorë. Në një postim në rrjetin social FB, ai shkruan se plejada e drejtuesve të vendit në vitin 1912 ka një diferencë ulëritëse dhe turpëruese me establishmentin e m 2020.
“Burrështetasit e 1912 me oligarkët 2020, si drita me t(m)errin!
Të dashur bashkAtdhetarë,
Sa më shpesh vizitoj Vlorën e flamurit, aq më shumë përkulem me nderime ndaj një plejadë patriotësh elitarë dhe burrështetas te ndritur, që vunë mendjen, pasuritë dhe shpirtin (jetën) për pavarsinë e 1912.
Çfarë diference ulëritëse dhe turpëruese me establishmentin e frikshëm 2020.
Koha e duhur për të reaguar me përgjegjësi qytetare që të shpëtojmë “Shqipërinë e sëmurë – 2020”, të gjunjëzuar nga një sekt-Shtetarësh të paditur deri ordinerë, hajna deri në neveri, sojësëz-oligarkët & garda e sekserëve të gjithëpushteteve.
Si njëri nga Ju, besimplotë se vetëm me fuqinë atomike të votës së lirë, pranvera e shpresës mbarëKombëtare po vjen për demokracinë & mbarëShqiptarët.
me përkushtim”, shkruan gjenerali Ahmetaj.
