Pasi u shpall në kërkim nga policia pas protestave për Klodian Rashën, Stresi ndodhet në arrati. Reperi ka zbuluar se është larguar nga Shqipëria dhe se është zhvendosur në Britani të Madhe.
“Në cilin vend të Anglisë i doni koncertet? Jua premtova që do vij!”– ka shkruar ai krah videos.
Pavarësisht se nuk ndodhet në Shqipëri, një gjë e tillë nuk e ka ndaluar atë të vijë me një projekt të ri në muzikë. Pak minuta më parë reperi ka publikuar në rrjetet sociale një sekuencë të projektit të ri. Ai shkruan se kënga del të premten në orën 21:00 dhe titullohet “Gang shit”.
Pak ditë para protestës ai bëri me dije se do sjellë një bashkëpunim me Feron. Stresi ka publikuar një foto në Instastory ku shihet së bashku me Feron duke folur me kamër, teksa ka shkruar “Sa jeni tu e prit mega Hitin??”.
