Vijon procesi për plotësimin e vakancave në Gjykatën Kushtetuese.
Këshilli i Emërimeve në Drejtësi (KED) ka bërë renditjen e kandidatëve Aleksandër Toma dhe Përparim Kalo për vendin vakant në Gjykatën Kushtetuese, vakancë e parakohshme, e shpallur nga presidenti Ilir Meta.
Kështu Meta do të vendosë përfundimisht se kush do të jetë anëtari i gjashtë i Gjykatës Kushtetuese, pasi lista është në duart e tij.
Ndërkohë, një ditë më parë anëtari i ri i Gjykatës Kushtetuese, Altin Binaj u betua para presidentit.
Altin Binaj u votua si anëtari i pestë i Gjykatës Kushtetuese disa ditë më parë nga Parlamenti i Shqipërisë.
