Një banesë në Sarandë është përfshirë nga flakët mëngjesin e sotëm. Policia informon se nuk ka lëndime në njerëz, por janë shkaktuar dëme materiale.
Dyshimet janë se flakët janë përhapur nga shpërthimi i një bombole gazi.
“Rreth orës 10:20, në lagjen Gjashtë, Sarandë, është përfshirë nga flakët banesa e shtetases Z.K., rreth 73 vjeçe. Dyshohet si pasojë e shperthimit të një bomble gazi, ku janë shkaktuar vetëm dëme materiale. Në vendngjarje kanë shkuar menjëherë shërbimet e Policisë dhe shërbimi zjarrfikës. Grupi hetimor po punon për sqarimin e plotë të rrethanave të ngjarjes”, njoftoi policia.
