Autopsia në lidhje me vdekjen e Diego Maradona, ka zbuluar se në trupin e tij nuk kishte aspak shenja të alkoolit apo substancave të jashtëligjshme në kohën e vdekjes.
Analizat konfirmuan gjithashtu edhe mungesën e përdorimit të ilaçeve për sëmundjet e zemrës, por njëkohësisht nxorën në pah përdorimin e barnave psikotrope nga ana e Maradonës.
Sipas autopsisë, legjenda argjentinase vdiq si pasojë e edemës akute të mushkërive, shoqëruar edhe me një përkeqësim akut të zemrës, që rezultoi se peshonte 503 gramë, thuajse dyfishi i peshës normale të këtij organi.
Gjithashtu janë gjetur gjurmët e një cirroze në mëlçi, një nekrozë tubulare akute në veshkë dhe disa problem të tjera në mushkëri.
