Thomas Brdariç është duke bërë shumë mirë te Vllaznia, ku kryesojnë kampionatin, por mbi të gjitha, skuadra shkodrane kënaq me lojën.
Lojtarët shkodranë janë të qetë gjatë gjithë lojës dhe padyshim diçka e tillë iu kërkohet nga vetë trajneri Brdariç.
Por, vetë 45-vjeçari nuk ishte kaq i qetë në të kaluarën. Mjafton të kujtohet një përplasje që Brdariç kishte me portierin legjendar të Bajernit dhe Gjermanisë Oliver Kahn në shtator të vitit 2002, kur trajneri aktual i Vllaznisë ishte pjesë e Bajer Leverkusenit.
Brdariç asokohe sulmohej nga Kahn, por nuk ia përtonte teksa edhe i kthehej me të njëjtën mënyrë, duke reaguar keq.
Pas ndeshjes, Brdariç thoshte se për një moment pati frikë, ndërsa nga ana tjetër Kahn u shpreh se futbolli është një sport burrash.
