Të gjitha fluturimet drejt Britanisë së Madhe do të pezullohen prej të Martës deri në 6 janar.
Ky është vendimi i marrë nga Komiteti i Teknikëve, pas zbulimit të një varianti të ri të COVID-19 në Britani. Gjithashtu qytetarët që vijnë nga Britania e Madhe do të karantinohen për 14 ditë, njoftoi këtë të Hënë ministrja e Shëndetësisë, Ogerta Manastirliu.Organizata Botërore e Shëndetësisë është njoftuar dhe shkencëtarët e Mbretërisë së Bashkuar po bëjnë studime të hollësishme mbi këtë variant të ri të Covid-19.
Identifikimi i një varianti të ri të koronavirusit në Britani erdhi një javë pasi vendi kishte nisur vaksinimin e vaksinën e Pfizer-it.
