Elis Bakaj do të vijojë të mbetet në kampionatin bjellorus. 33-vjeçari zyrtarizoi ditën e sotme “divorcin” me Dinamon e Bresitit, për t’u transferuar te skuadra e Rukh, e cila është pjesë e po të njëjtit qyteti, atij të Brestit.
Ka qenë vetë klubi i Rukhit që nëpërmjet një postimi në Instagram ka konfirmuar transferimin e Bkajt, duke i uruar mirëseardhjen shqiptarit.
Bakaj është pjesë e kampionatit bjellorus prej 3 sezonesh, teksa më herët ka veshur fanellën e Shakhtar Soligorsk.
Sezonin e fundit me Dinamon, ai u aktivizua vetëm 7 ndeshje për shkak të një dëmtimi të rëndë që e mbaj jashtë fushave për një kohë të gjatë. 33-vjeçari kryeqytetas u largua si transfer i lirë te Rukh, duke firmosur për 1 vit.
