Erza Ramuka, është një nga aktoret më të njohura të serialit të famshem ‘O sa mirë’, cikli i të cilit tashmë ka përfunduar.
E ftuar së fundmi në emisionin ‘Glamour Zone’ në RTV ORA, ajo rrëfeu për moderatoren Ester Bylyku, një nga momentet më të këqia të jetës së saj, aksidenti me makinë i vëllait të saj të vogël, për te cilin Erza u ndje në faj.
Ester Bylyku: Vëllai yt, së fundmi ka bërë një aksident me makinën tënde. Cfarë ndodhi saktësisht?
Erza Ramuka: Po ti nga i di të gjitha këto? (qesh). Eshtë e vërtetë. Ai ende nuk e ka mbushur moshën për patentë por i jep shumë mirë makinës. Kishim një festë familjare, dhe ia plotësova dëshirën që të ngiste makinën time por pësoi aksident. Makina u dëmtua, por mendjen e kisha tek vëllai. Fillova të qaja sepse u ndjeva fajtore për atë që ndodhi, isha unë ajo që ia dhash makinën.
