Gianluigi Buffon ka arritur pothuajse gjithçka gjatë karrierës së tij të gjatë dhe të pasur, përveç Ligës së Kampionëve, dhe eliminimi i Paris Saint-Germain nga Manchester United në 2019 ka mbetur thellë në kujtesën e tij.
Parizianët kryesonin 2-0 nga ndeshja e parë por pësuan një humbje tronditëse 3-1 në kryeqytetin francez, i cili eliminoi PSG-në, me italianin që bëri një gabim në golin e parë të “Djajve të Kuq”.
“Është një ndeshje për të cilën mendoj të paktën tre ose katër herë në javë. Ajo sjell shumë keqardhje ,” tha Buffon për L’Equipe.
“Isha i sigurt që do të arrinim në finale atë sezon. Në Manchester, ne fituam një lojë të madhe me një shfaqje të shkëlqyeshme të karakterit tonë. Dhe fatkeqësisht fajësoj veten time për një gabim të pabesueshëm. Një gabim që, me përvojën që kam, nuk duhet ta kisha bërë “, tha ai.
“Ne menduam se do të ishte një formalitet dhe unë u tregova naiv që e mendova këtë gjë. Ajo ndeshje mu duk me pak histori pasi United kishte shumë mungesa dhe në formacion ishin 8-9 lojtarë të rinj.- përfundoi Buffon.
