Ministrja e Arsimit ka njoftuar ditën e sotme se në datën 24 dhjetor mbyllet simestri i parë shkollor për të rinisur sërish në datën 11 janar. Ish deputetja e PD, Albana Vokshi u shpreh se për shkak të mungesës së prioriteti në arsim në në Shqipëri po rritet një brez COVID dhe një brez analfabetësh funksionalë, që është rritur me përmasa të rrezikshme, mbi 60%.
“Për pak ditë, nxënësit mbyllin një semestër të vështirë. Askush nuk mund të thotë se ky ishte një vit shkollor që nisi mirë. Platforma nuk funksionoi asnjë ditë dhe mijëra fëmijë i marrin mësimet akoma me Whatsapp dhe zoom. Për shkak të një kryeministri të dështuar dhe të paaftë, që nuk e ka prioritet arsimin, në Shqipëri po rritet një brez COVID. Dhe një brez analfabetësh funksionalë, që është rritur me përmasa të rrezikshme, mbi 60%. As mësimi fizik 25-30 minutësh nuk është efikas, as mësimi i alternuar nuk funksionon dhe mësimi online është gati i pamundur” u shpreh Vokshi.
