Presidentja në detyrë e Kosovës, Vjosa Osmani ka folur për mungesën e kryeministrit Edi Rama në Kuvend, gjatë fjalës së sa ku foli për heqjen e traut në Rrugën e Kombit.
Në një prononcim për ABC, Osmani tha se për sjelljen e tij, duhet pyetur personalisht kreu i qeverisë. “Është nuanca që ju e përmendët, por protokolli është i qartë, është zgjedhje e zotit Rama dhe duhet të pyetet ai pse e ka bërë një gjë të tillë.
Unë kam përfaqësuar jo veten time si Vjosa Osmani por dy institucionet më të larta të Kosovës, si dhe qytetarët e Kosovës. Natyrisht miqësinë dhe mikpritjen më të madhe ne e mirëpresim në Shqipëri, sikur e kemi bërë edhe ne në Kosovë, cili politikan shqiptar ka ardhur në Kosovë, ne i kemi ofruar mikpritjen më të ngrohtë”, -tha Osmani.
