Gjykata e Durrësit ka vendosur lirimin nga qelia të dy protestuesve Artion Bajraman dhe Shyqon Metollari, të cilët u arrestuan lidhur me protestuat e zhvilluara pas vrasjes së Klodian Rashës në qytetin bregdetar.
Avokatja Merita Dakovelli, deklaroi për mediat se gjykata pranoi kërkesën e mbrojtjes dhe pasi shqyrtoi provat vendosi lirimin e menjëhershëm të tyre dhe mos marrjen e asnjë mase tjetër sigurie.
“Gjykata konstatoi me kërkesën tonë pasi shqyrtoi provat se arrestimi i tyre ishte i paligjshëm, sepse ato nuk janë organizatorë të tubimit, kanë integritet moral dhe qytetar dhe në këto kushte arrestimi u konsiderua i paligjshëm dhe nga gjykata u vendos lirimi i menjëhershëm i tyre dhe mos marrja e asnjë mase tjetër sigurie”, tha avokatja.
