Pas miratimit të Aktit Normativ të Buxheti 2020 si dhe paketën financiare për pensionistët dhe shtresat në nevojë, në prag të festave të fundvitit, ministrja e Financave dhe Ekonomisë Anila Denaj, sqaroi në detaje fondin e alokuar për shëndetësinë në kohën e pandemisë, për arsimin, e infrastrukturën.
Denaj bëri të ditur gjithashtu se ndarja e shpërblimeve për pensionistët do fillojë menjëherë, ndërsa shtoi se për shkak të vështirësive me pandeminë do ju shpërndahet edhe në shtëpi përmes Postës Shqiptare.
“Shpërndarja do fillojë menjëherë, por nëse ka vështirësi që lidhen me pandeminë do ju shkojë në shtëpi përmes Postës Shqiptare”,- sqaroi Denaj.
Nga ky shpërblimi përfitojnë:
677,906 pensioniste dhe përfitues të tjerë nga të cilët:
mbi 543,250 janë pensionistë në pension pleqërie,
74,033 persona në pension invaliditeti;
2,646 me pension social;
9,932 persona në pension familjar;
mbi 8045 persona te tjerë qe në pension te parakohshëm apo trajtim të veçantë financiar si minatorë të nëntokës, punonjës të ish – ndërmarrjeve ushtarake.
