Një 29-vjeçar është arrestuar nga policia e Tiranës, pasi akuzohet për veprën penale ”Mashtrimi kompjuterik”.
Sipas hetimeve, i arrestuari, Shkëlzen Bytyçi në bashkëpunim me disa të tjerë të arrestuar, për një periudhë 1-vjeçare, ka ndërhyrë në llogari të ndryshme të rrjetit social FB, duke ndryshuar të dhënat e tyre dhe më pas i kanë përdorur për të komunikuar me miq të këtyre llogarive.
Më herët, gjatë operacionit policor të koduar “Transferta”, për goditjen e veprimtarisë kriminale në fushën e krimeve kompjuterike, finalizuar 5 muaj më parë nga DVP Tiranë, u vunë në pranga 9 shtetas.
Me anë të mashtrimit, ata kanë kërkuar shuma të ndryshme monetare dhe si rezultat kanë përfituar shumën 38000 euro.
