Një 19-vjeçar është arrestuar nga Policia e Durrësit, pasi gjatë një kontrolli iu gjet një armë zjarri.
Në pranga ka rënë R.G., 19 vjeç banues në Fllakë.
“Arrestimi i tij u bë pasi në vendin e quajtur ‘Kryqëzimi i Shënvlashit’, shërbimet e Policisë, gjatë kontrollit fizik të ushtruar ndaj këtij shtetasi, kanë gjetur një armë zjarri pistoletë, e cila u sekuestrua në cilësinë e provës materiale“, njofton policia.
Sakaq, materialet i kaluan Prokurorisë së Rrethit Gjyqësor Durrës, për veprime të mëtejshme, shtuan të njëjtat burime.
