Qindra pavionë prej druri të vaksinimit, zbukuruar me lule, për të simbolizuar rigjenerimin, do të instalohen në Itali në muajin janar, ndërsa vendi do të fillojë të imunizojë popullsinë e tij me një vaksinë Covid-19.
Projektimet për stacionet u zbuluan të hënën nga arkitekti Stefano Boeri, i cili, së bashku me një ekip këshilltarësh, zhvilluan falas logon dhe aspektet vizuale të përhapjes së vaksinave të vendit.
Studioja Boeri konfirmoi për CNN se një total prej 1,500 pavionesh të përkohshëm, rrethorë, do të vendosen në sheshet dhe qendrat e qyteteve të Italisë.
Pjesa e brendshme do të jetë kryesisht prej druri për të përcjellë një simbol të qetësisë dhe rigjenerimit.
“Vaksinimi do të jetë një akt i përgjegjësisë qytetare, dashurisë për të tjerët dhe rizbulimit të jetës. Nëse ky virus na ka mbyllur në spitale dhe shtëpi, vaksina do të na kthejë në kontakt me jetën dhe natyrën që na rrethon”, shtoi ai.
Boeri është një nga arkitektët më të famshëm të Italisë, i famshëm për ndërtesën, “Il Bosco Verticale”, ose “Pylli Vertkal”, fasada e së cilës është e mbushur me pemë të gjalla dhe gjelbërim.
