Gjermania ka hyrë ditën e mërkurë në izolim kombëtar, ndërkohë që përjetoi shifër rekord të jetëve të humbura prej Covid-19.
Instituti Robert Koch njoftoi një rekord prej 952, numri më i lartë ditor i vdekjeve në vend që nga fillimi i pandemisë së koronavirusit. Rekordi i mëparshëm, i vendosur më pak se një javë më parë, ishte 598.
Vendi ka hyrë menjëherë në izolim dhe masat e përforcuara pritet të zgjasin të paktën deri më 10 janar, duke prekur dyqanet dhe shkollat, të cilat do të qëndrojnë të mbyllura.
Numri i përgjithshëm i vdekjeve nga të lidhura me koronavirusin ka arritur në 23,427. Numri i përgjithshëm i infeksioneve i raportuar që nga fillimi i pandemisë është 1,379,238.
Shkalla aktuale e infeksionit raportohet të jetë e qëndrueshme ose pak në rënie në mesin e grupeve të moshës më të re, por gjithsesi po rritet në mesin e njerëzve të moshuar që kanë më shumë të ngjarë të vuajnë nga probleme më serioze shëndetësore. /DW
