Giannis Antetokounmpo, dy herë basketbollisti më i mirë i sezonit (MVP), ka rinovuar me Milwaukee Bucks, duke firmosur kontratën më të majme në historinë e NBA. Lojtari grek do të përfitojë 228 milionë dollarë në 5 vitet e ardhshme ose 45,8 milionë dollarë në vit.
Pas disa javësh debate mbi të ardhmen e tij, Bucks vendosën që t’i ofrojnë yllit të tyre shifrën maksimale, duke e bërë basketbollistin më të paguar në botë.
Në Twitter, Antetokounmpo postoi lumturinë e tij për marrëveshjen: “Kjo është shtëpia ime. Ndihem me fat që do të jem pjesë e Bucks për 5 sezonet e ardhshme”.
