Disa vende të botës kanë nisur vaksinim e popullatës për të ndaluar përhapjen e Covid-19. Por ka edhe nga ata vende që janë skeptikë për këto vaksina dhe nuk besojnë se do e zgjidhin përfundimisht pandeminë.
Madje Ballkani Perëndimor duket se është më kundër kësaj vaksine. Edhe në një sondazh të kryer nga “Balkans in Europe Policy Advisory Group”, rezulton se pjesa më e madhe e popullsisë nuk beson se vaksina do të zgjidhë këtë situatë.
Gjithashtu thuhet se 52% e personave në Shqipëri nuk besojnë se vaksina është zgjidhja. Në Kosovë dhe Maqedoninë e Veriut numri i personave që nuk besojnë është dhe më i madh.
Interesant është fakti që Ballkani Perëndimor është një “oaz” për teoritë konspirative që qarkullojnë në raundin global. Teoria e përgjithshme është që virusi është një krijim laboratorik, por në Serbi mendon se është Vatikani që ka kryer një komplot kundër tyre së bashku me “Kominternin”. Serbët e malazezët mendojnë se ka një elitë “globaliste” ku shef është George Soros që do të shkatërrojë këto shtete.
Teoritë që BEPAG pyeti qytetarët janë: Kina e përhapi covidin nga laboratorët e tyre; Bizneset farmaceutike janë të përfshira për shitjen e medikamenteve; Ka një lidhje mes 5G dhe COVID-19; Ushtria Amerikane zbuloi dhe përdori COVID-19 si armë; Bill Gates përhapi COVID-19 për të nxjerrë vaksinën me çip.
I ftuar në studionin e “Shqipëria Live” në Top Channel ishte avokati i njohur, Zaçe Islami, i cili tha sa mirë që gjysma e popullsinë nuk e do vaksinën pasi “duan që të jetojnë”.
“Gjysma e popullsisë duan të jetojnë. Të gjitha vaksinat përmbajnë merkur, janë të dëmshme. Për të dalë një vaksinë në treg duhet minimumi 10 vite, jo 3 muaj siç doli kjo për Covid-19”, tha avokati.
Sipas tij, duhet që të presim edhe 10 vite që të dalë një vaksinë e duhur për koronavirusin, e madje bën thirrjen: “Çohuni e mbroni kokën tuaj”.
